კვირის მიმოხილვა

2-8 მარტის პერიოდში შემდეგი შემთხვევები გამოიკვეთა: ძალადობის წახალისებ -3; ინდივიდუალური შუღლის გაღვივება -2; ქსენოფობია - 3; ეთნიკური და სექსუალური იდენტობის დაუსაბუთებელი მითითება -2; რელიგიური ნიშნით დისკრიმინაცია -1; ცრურწმენები - 4; ჰომოფობია - 5; გენდერული ნიშნით დისკრიმინაცია -1; ანტიდასავლური განწყობები - 23.

Geworld.ge, 3 მარტი

გოგი თოფაძე, ქართული ოცნება: "სხვათა შორის, ძალიან ბევრმა ქვეყანამ შეზღუდა ეს არასამთავრობოები, დაუბლოკეს ის საბანკო ანგარიშები, რომლებზეც უცხოეთიდან მოდის თანხები. როდესაც ძირს უთხრი შენს სახელმწიფოს, შენს სამშობლოს იმიტომ, რომ შენ ღებულობ გრანტებს უცხოეთიდან, რა თქმა უნდა, პასუხი უნდა მოეთხოვოთ მათ. უნდა აიკრძალოს ეს, ასე გადააბრუნეს ძალიან ბევრი ქვეყანა ამერიკელებმა, ასე მოხდა ის ტრაგედიები, რაც მოხდა არაბეთის ქვეყნებში, ერაყში, იუგოსლავიაში, ლიბიაში, ეგვიპტეში, ახლა სირიაშიც იგივე ხდება, თანაც დემოკრატიის დანგრევის მოტივით ანგრევენ ამ ქვეყანას. კადაფის რა უქნეს, გააუპატიურეს, დაჩეხეს და ნაკუწებად გადააგდეს, არადა, ერთ-ერთი წამყვანი ქვეყანა იყო ლიბია"...

ძალადობის წახალისება

ობიექტივი, ღამის სტუდია, 7 მარტი

ტელემაყურებელი: "ადამიანმა, რომელმაც 18 წლის გოგონა მოკლა და ჩაფლა მიწაში, გააუპატიურა და ძაღლებს შეაჭამა, ის პატიმარი კი არ უნდა გააუპატიურონ, უნდა მოკლან."

ინდივიდუალური შუღლის გაღვივება

ქსენოფობია

Geworld.ge, 2 მარტი

სათაური: სოსო მანჯავიძე: „ მცხეთაში ხუთი არაბული სოფლის აშენება იგეგმება“

სოსო მანჯავიძე, საკრებულოს დეპუტატი: „... ვითხოვთ ამ საკითხის კანონით დარეგულირებას, რომ შემდეგში ასე არ გაგრძელდეს, თორემ ეს გაგრძელდება და დავკარგავთ ქვეყანას”.

ეთნიკური და სექსუალური იდენტობის დაუსაბუთებელი მითითება

ასავალ-დასავალი, 2-8 მარტი

არნო ხიდირბეგიშვილი, საქინფორმი: "სომეხი ჰომოსექსუალი ჟვანია ".

ასავალ-დასავალი, 2-8 მარტი

ირაკლი ურუმბეგაშვილი, ჰელსინკის კავშირი: "ტერ-სააკიანის დროს რასაც აკეთებდა, ეგეც ვიცით"...

რელიგიური ნიშნით დისკრიმინაცია

Geworld.ge, 4 მარტი

მამუკა არეშიძე, ექსპერტი: "ჩვენ რელიგიის პრობლებაც გვაქვს - ცდილობენ, რელიგიური იდეოლოგია შეცვალონ. ამაზეც მუშაობს არა ერთი მუსლიმანური ქვეყანა და ევროპაში არსებული რელიგიური ჯგუფი. ეს პატარა საქართველო ძალიან ბევრს უძლებს...

დღეს ხალხი სოციალურ ქსელში ღიად საუბრობს დასავლეთიდან დაფინანსებული არასამთავრობოების მუშაობის შედეგების სიმახინჯეზე. რამდენიმე წლის წინათ ასე არ ხდებოდა: გახსოვთ, იეღოველებს რამხელა ხელშეწყობა ჰქონდათ? ხალხი მიხვდა, რომ ეს კარგი არ არის."

ცრურწმენები

დუშეთში კალიუმის ციანიდით 15 წლის გოგონას გარდაცვალება პარტია რეფორმატორების წარმომადგენელმა სატანისტურ რიტუალს და მსხვერპლთშეწირვას დაუკავშირა. მედიამ ეს თემა მოარულ ჭორებზე დაყრდნობით, დაუბალანსებლად გააშუქა, რითაც საკითხში სიცხადის შეტანის ნაცვლად, პოლიტიკური პარტიის მიერ შეთავაზებული ცრურწმენა კიდევ უფრო გაამყარა. მიუხედავად იმისა, რომ ჟურნალისტები მტკიცებითი ფორმის ნაცვლად კითხვის სახით გვთავაზობენ საკითხს, წარმოდგენილი ვერსია ცალმხრივია. გამონაკლისია, კვირის პალიტრა (3 მარტი), სადაც ამ ვერსიასთან ერთად მოყვანილია მღვდლის კომენტარი, რომელიც დაუშვებლად მიიჩნევს განსხვავებული გარეგნობის გამო ადამიანის სექტანტებისადმი მიკუთვნებას, ასევე წარმოდგენილია შსს ინფორმაცია გამოძიების მიმდინარეობის და გოგონას მოწამვლით გარდაცვალების შესახებ.

მაესტრო, მაესტროს 9იანი, 2 და 3 მარტი

გიორგი ხოსრაშვილი, დუშეთის მკვიდრი: "ამ სექტიდან არის ეს ყველაფერი წამოსული. არ ვიცი, ეს სექტა რამდენად არის, მაგრამ ანტირელიგიური რომ არის, ანტიქრისტიანული რომ არის, ეგ ნამდვილად ვიცი... დღითი-დღე ძლიერდება ასეთი სექტები, ბრჭყალებში რომ ვთქვათ. მე მგონი, საზოგადოება ცოტა უნდა შეებრძოლოს ამ ყველაფერს."

2 მარტის სიუჟეტისაგან განსხვავებით, 3 მარტს გასულ სიუჟეტში ნახსენები აღარ არის "სატანისტური სექტა " და მსგავსი ვარიაცები. საუბარია მხოლოდ სიკვიდილის გამომწვევ მიზეზზე - კალიუმის ციანიდზე და მის ხელმისაწვდომოვბაზე.

Geworld.ge, 2 მარტი, პირველი 3 მარტი

"როგორც [ნინო] ჩარკვაინი [პარტია "რეფორმატორები"] აღნიშნავს, ბავშვები განსხვავებული ჰაბიტუსით, კანის ფერითა და სვირინგებით გამოირჩევიან." 

ჰომოფობია

Geworld.ge, 2 მარტი,

მამუკა არეშიძე, ექსპერტი: "ყველა ტელევიზია და გადაცემა მუშაობს სქესთაშორის დაპირისპირებაზე, ერთსქესიანებზე, ფსევდო ბომონდის ცხოვრებაზე და ა.შ. ეს არის მცდელობა საზოგადოებრივი გემოვნების ჩამოყალიბებისა... და საბოლოოდ, საზოგადოებას გარყვნის ."

გენდერული ნიშნით დისკრიმინაცია

ნეტგაზეთი, პირველი, 7 მარტი, ინტერპრესნიუსი, რეპორტიორი, 8 მარტი

საპატრიარქოს განცხადება: "ქმარი თავია ცოლისა, ისევე როგორც ქრისტე თავია ეკლესიისა ".

ანტიდასავლური განწყობები

Geworld.ge, 3 მარტი

გოგი თოფაძე, ქართული ოცნება: "დავუშვათ, მოხდა სასწაული და შემოვიდა ნატო, ხომ იციან ამ პოლიტიკოსებმა, რომ ეს დაღუპავს ჩვენს ქვეყანას? ... ნატოს ჩადენილი არ არის ის, რაც მოხდა ერაყში? იგივე ლიბია, იუგოსლავია, ხომ ნახეთ, რაც მოხდა იქ ?"

საქინფორმი, 2 მარტი

პოლ კრეიგ რობერტსი - ამერიკელი ეკონომისტი: მიზნები ვიქტორია ნულანდის ვიზიტის მიზანი სომხეთში გადატრიალების ორგანიზებაა.

ასავალ-დასავალი, 2-8 მარტი

ელიზბარ ჯაველიძე, სახალხო კრება: "ნემცოვი მისმა პატრონებმა მოკლეს, რათა ისრები პუტინისკენ გადაეტანათ! პუტინს დასავლეთმა ვერაფერი დააკლო ეკონომიკური სანქციებით და ახლა ეს სისაძაგლე მოუფიქრეს !"

ასავალ-დასავალი, 2-8 მარტი

ლევან პირველი, ბიზნესმენი: " სააკაშვილი რაც უფრო დავალებული იქნება ამერიკის მიმართ, მით უფრო საიმედო მონა იქნება. ასე, რომ, ამერიკიდან სიმართლეს ნუ ელოდებით!"

ასავალ-დასავალი, 2-8 მარტი, საქინფორმი, 2 მარტი

არნო ხიდირბეგიშვილი, საქინფორმი: ქართული ლარის გაუფასურებას აქვს ერთადერთი რეალური მიზეზი - ეს არის დასავლეთის ეკონომიკური სანქციები რუსეთის წინააღმდეგ, მაგრამ ამით დასავლეთმა საქართველო დააზარალა!"

იმედი, რეაქცია, 6 მარტი

ნიკოლოზ მჟავანაძე, უფლებადამცველთა გაერთიანების თავმჯდომარე: ხელისუფლებაზე დღეს მიდის გარკვეული დაწოლა დასავლეთის მხრიდან რომ სამართლიანობის პროცესი იმ დონეზე არ მივიდეს, რომელ დონეზეც ჩვენ ვითხოვთ.

ასავალ-დასავალი, 2-8 მარტი

დიტო ჩუბინიძე, ჟურნალისტი: ევროპა და ამერიკა ამ ტრაგიკულ ცერემონიალში, როგორც ყოველთვის, ახლაც ასრულებენ და მომავალშიც შეასრულებენ პატიოსანი მესაფლავის ფუნქციას!.. ეროვნულ კატასტროფას, რომელიც კიევში, „დამოუკიდებლობის მონუმენტის“ უზარმაზარი ბოძის გარშემო, ევრომაიდანზე განვითარდა, კონკრეტული ბოზები ხელმძღვანელობდნენ. ისინი უკრაინელებიც იყვნენ, ევროპელებიც და ამერიკელებიც...